“ဈေးသုံးလည်း မကြွယ်နဲ့၊ ရှေးထုံးလည်း မပယ်နဲ့” ဆိုသလို တစ်ခါတစ်ရံမှာ ရှေးလူကြီးတွေရဲ့ ဆိုရိုးစကားတွေက ဒီနေ့ခေတ် လူနေမှုဘဝနဲ့ တိုက်ဆိုင်နေတာ မျိုးတွေ ရှိတတ်တာကြောင့် မေ့ထားမရတာတော့ အမှန်ပါပဲ ဖော်ပြရှေးသုံးနည်းကတော့ ဒီဘက်ခေတ်မှာ အသုံးမဝင်တော့ဘူးလို့လဲ ပြောလို့မရပါဘူး ဒါကြောင့် ကျွန်တော်တို့ မင်းသိင်္ခဗေဒင်ကနေပြီးတော့ လက်ထပ်တော့မယ့် ဇနီးမောင်နှံများအတွက် ရှေးယခင်ကတည်းက တွက်ချက်ထားတဲ့ ပေါင်းဖက်ရန်အသင့်တော်ဆုံးအိမ်ထောင်ဖက်၊ မိတ်ဖက်၊ များကို ဖော်ပြပေးလိုက်ပါတယ် ခင်ဗျာ

ဆက်လက်ပြီး ဖတ်ကြည့်လိုက်ရအောင်ပါ...

ဦးသာ -တနင်္ဂနွေနှင့်သောကြာအိမ်ထောင်ဖက်

စိန်ပန်း- အင်္ဂါနှင့်ကြာသပတေးအိမ်ထောင်ဖက်

ဒန်းလှ - စနေနှင့် ဗုဒ္ဓဟူး အိမ်ထောင်ဖက်

ကို-ရှာ - တနင်္လာနှင့် ရာဟု အိမ်ထောင်ဖက်

ဖော်ပြပါ နေ့နံတွေကတော့ ပေါင်းဖက်ရန်သင့်တော်သည့် အိမ်ထောင်ဖက်နေ့နံတွေ ဖြစ်ပါသည်။

အောင်ပ - တနင်္ဂနွေနှင့် ကြာသပတေး

ကုလား - တနင်္လာနှင့် ဗုဒ္ဓဟူး

ဆွေသား -အင်္ဂါနှင့် သောကြာ

တော်ရင်း- စနေနှင့် ရာဟု မိတ်ဂြိုလ်သင့်သည်

ဖော်ပြပါ နေ့နံတွေကတော့အိမ်ထောင်ပြုရင် ရပါတယ်။ စီးပွားမိတ်ဖက်တွေလဲ ဖြစ်ပါသည်။

အန္တော - တနင်္ဂနွေ နှင့် စနေ

ဂဗ္ဘေ - တနင်္လာနှင့် ကြာသပတေး

စရေ - အင်္ဂါ နှင့် ရဟု

ဝံသေ - ဗုဒ္ဓဟူး နှင့် သောကြာ

ဖော်ပြပါ ဓာတ်ဖက် မိတ်ဖက်တွေက အိမ်ထောင်ပြုလို့ရနိုင်ပါတယ်။ အိမ်ထောင်ပြုခဲ့လျှင်လဲ အိမ်တွင်း အသုံးအဆောင်များ ပစ္စည်းဥစ္စာ ပေါများ ပါသည်။ စိတ်ချမ်းသာရသည်။