ဖော်ပြပါ ဓါတ်တူနံတူ ငွေကိုယူဆိုတဲ့ ငွေစက္ကူ တွေနဲ့ ပြုလုပ်ထားတဲ့ အဆောင်ကို အိမ်တွေ၊ ဆိုင်တွေမှာ ချိတ်ဆွဲထားတာ တွေ့ဖူးမယ်ထင်ပါတယ်။

ဒါကြောင့် ကျွန်တော်တို့ မင်းသိင်္ခပေ့ချ်ကနေ ပြီးတော့ အဆိုပါ အဆောင်ကို လူမျိုးမရွေး ဘာသာမရွေး ဆောင်လို့ရတဲ့ အပြင် မိမိအိမ်မှာပဲ လွယ်လွယ်ကူကူနဲ့ ပြုလုပ်ပုံ အဆင့်ဆင့်ကို ဗေဒင်ချစ်ပရိတ်ကြီးအတွက် ဖော်ပြပေးလိုက်ရပါတယ် ခင်ဗျာ.......

ဆရာကြီးမင်းသိင်္ခ၏ ပြောကြားခဲ့ပုံများက …

ဓါတ်တူနံတူ ငွေကိုယူ ဆိုတာကို "ဓါတ်တူနာမ်တူ ဆေးဖက်ယူ"
လို့လည်း ပြောလေ့ရှိကြတယ်ကွ......

ကတ်ပြားတစ်ခုပေါ်မှာ လက်ရှိသုံးနေတဲ့ ငွေစက္ကူတစ်စုံကပ်ထားရမယ်။ ဥပမာ ငါးရာတန် တစ်ရာတန် တစ်ထောင်တန်၊ တစ်သောင်းတန်ကို ၊ နှစ်ရာတန်၊ ငါးထောင်တန် ဆိုရင် စုစုပေါင်းငွေ စက္ကူ ၁၂ ရွက်တစ်စုံစီကို ဟိုဘက်ဒီဘက်လှန်ပြီး ထည့်ပေးရပါမယ်။ ပိုက်ဆံတွေကို နှစ်ဖက်လုံးမြင်အောင် မှန်ဘောင်သွင်းပေးရပါမယ်။

မှန်ဘောင်သွင်ပြီးပြီ ဆိုရင်တော့ နေ့နံအလိုက် အချိန်အပိုင်းအခြားနဲ့ ချိတ်ဆွဲပေးရပါမယ်။ အဲ့ဒီအချိန်ဟာ အင်္ဂဝိဇ္ဖာ သဘောအရ တနင်္လာဂြိုလ် ငွေနံဟာ တိုင်ထိပ် နဝင်းစီးတဲ့ အချိန်ပါပဲ။

နေနံအလိုက် ချိတ်ဆွဲရမည့်အချိန်များ

တနင်္ဂနွေသားသမီး ဆိုရင် တနင်္ဂနွေနေ့ နံနက် ၉ နာရီ၊ ၄၅ မိနစ်

တနင်္လာသားသမီး ဆိုရင် တနင်္လာနေ့ နံနက် ၉ နာရီ၊ ၄၅ မိနစ်

အင်္ဂါသားသမီး ဆိုရင် အင်္ဂါနေ့ နံနက် ၉ နာရီ၊ ၄၅ မိနစ်

ဗုဒ္ဓဟူးသားသမီး ဆိုရင် ဗုဒ္ဓဟူးနေ့ နံနက် ၉ နာရီ၊ ၄၅ မိနစ်

ကြာသပတေးသားသမီး ဆိုရင် ကြာသပတေးနေ့ နံနက် ၉ နာရီ၊ ၄၅ မိနစ်

သောကြာသားသမီး ဆိုရင် သောကြာနေ့ နံနက် ၉ နာရီ၊ ၄၅ မိနစ် "

စနေသားသမီး ဆိုရင် စနေနေ့ နံနက် ၉ နာရီ၊ ၄၅ မိနစ် မှာ ချိတ်ဆွဲပေးရပါမယ်။

"အဲ့ဒီအချိန်ချိတ်ဆွဲမှ ဓာတ်မိတယ်ကွ" ပြောကြားခဲ့ပြီး လူတိုင်းလူတိုင်းလာဘ်ရွှင်ကြပါစေလို ဆရာကြီးက ဆုတောင်း မေတ္တာပို့သပေးခဲ့ ပါသည်။ ဓါတ်တူနံတူငွေကိုယူ အဆောင်ကို အဝင်တံခါးဝမှာပဲ ချိတ်ချိတ် ၊ ဧည့်ခန်းထဲမှာပဲ ဖြစ်ဖြစ် ချိတ်ထားနိုင်ပါသည်။ ထိုအဆောင်ကို ချိတ်ဆွဲပေးရုံသာမကပဲ အပိုထပ်စောင်း၍ ပြုလုပ်ချင်သူများအတွက်လဲ အဆောင်ရှေ့တွင် -
"နမောတဿ ဘဂဝတော" ကို (၃)ပတ်
"နမောတဿ အရဟတော" ကို (၃)ပတ်
"နမောတဿ သမ္မာသမ္ဗုဒ္ဓဿ" ကို (၃)ပတ်
"နမောတဿ ဘဂဝတော အရဟတော သမ္မာသမ္ဗုဒ္ဓဿ" ကို (၃)ပတ် 

စုစုပေါင်း (၁၂)ပတ် ကို နေ့တိုင်း မှန်မှန် ပုတီးစိပ်ပေးရပါမည်။